Of Names and Nicknames

Mauro ang firstname ko, kapareho ng aking ama. At dahil Junior ako, “Jun” naman ang nickname na nakalakihan ko. Nung magkolehiyo ako, dahil sa dami ng mga Jun, “Jiggs” ang naging nickname ko sa barkada.

Bakit nga ba ganoon? Sa Pilipinas mahilig tayong gumamit ng mga nicknames. Yung firstname natin, ginagamit lang ng ating mga magulang kapag pinapagalitan tayo. Dito sa NZ, hindi uso ang paggamit ng nicknames. Lahat dito first name basis ang tawagan. Kaya nga dito kung dalawa ang pangalan mo at ang una ay “Maria”, asahan mo “Maria” lang ang itatawag sa yo. You might as well forget about your second name. Sa office, “Mauro” ang tawag sa akin. Kapag nagpapakilala ako sa iba, “Mauro” din ang pangalang ibinibigay ko. Si Jun at si Jiggs naiwan na sa Pinas.

Wala naman akong complain sa pangalan ko and I also don’t mind when some people make fun of it. When someone says “give it to Mauro”, it sounds like “give it tomorrow”. I sometimes butt in and tell them “excuse me, but I need it today”. Most of the time, kahit corny natatawa naman sila.

Ang isa pang bagay na napansin ko, iba ang pronunciation nila dito ng mga pangalan compared sa atin. Sometimes ibang-iba talaga sa nakagisnan natin sa Pinas. Si Pareng Ruben, ang bigkas sa pangalan niya “roooo-been”. Mahaba yung “roooo” parang manok na rooster at maigsi naman yung “been”. Si Mark naman, ang maririnig mo lang “Mahhk”, walang “rrrrr”. Parang yung isang sikat na sports personality dito na si “Dean Baka”. Ang dinig ko sa TV “Baka”. Sabi ko pangit naman ng surname niya, parang hayop. E nung mabasa ko sa diaryo, “Dean Barker” pala.

Pero wala na yatang tatalo sa pangalan ng opismeyt ko. Kahit mag-hearing aid siguro ako di ko mahuhulaan ang spelling ng name niya. Sa pandinig ko ang first name niya “Nohl”, minsan pronounced na parang “Null”, as in null value or zero. Then nag-email siya sa akin at dun ko lang nalaman ang tamang spelling ng name niya. Langya, “N-O-E-L” lang pala. Napailing na lang ako. Hay naku! Mga taga-Inglatera talaga. Kung ayaw nilang bigkasin ang “R” at “E”, ba’t kaya di na lang nila ito alisin? Nililito pa tayo.