To Bring or Not To Bring

Ito ay para sa mga kababayan nating pupunta ng NZ for good. When you come to settle in a new country one of the things you want to avoid during your first few weeks is unnecessary spending for things that you may already have in the Philippines. Kung praktikal naman dalhin dito, bakit hindi, di ba? Isa pa mas mura kasi ang gamit sa atin.

I know some people will laugh at you kung magdadala ka ng mga kawali, kaserola at gamit pangkusina. But for me it’s a practical thing to do. Kasi mahal dito at yung ibang gamit bukod sa mas maganda ang yari sa atin, di mo pa mabibili dito. Tulad nung mga wok na gawa sa atin, para sa akin number one pa rin. Yung nabibili ditong mga wok sa mga Asian shops, hindi tulad nung atin. Yung sa kanila manipis at nangangalawang. Ayusin mo lang ang pagimpake sa bagahe at baka matulad ka kay Jean. Nang ipabulatlat sa kanya ng Customs ang kanyang bagahe, nahulog ang takip ng kawali. Kumalembang ito ng malakas sa sementong sahig at pagkatapos ay gumulong-gulong pa. Imaginin mong humahabol ka sa isang takip ng kawali na nag-iingay habang gumugulong at nakatingin lahat ng tao sa paligid mo. Kakahiya ano? Buti na lang di ako kasama noon. Sa bagay mas nakakahiya yung nangyari kay pareng Ramir nang sumabog yung isang supot ng cornick na dala niya. Nagkanda pulot pa siya ng kalat niya.

Magdala rin ng isang set ng mga dinner ware at cooking utensils. Spoons and forks cost about a dollar each, mahal kung iku-kumpara mo sa atin.

A rice cooker cost about $100. So, if you want to bring one, go ahead. Siguraduhin mo lang na 220-240 ang voltage. This is true with all electrical appliances. Don’t bring anything that is 110 volts. Mahal kasi dito ang transformer. Yung mga cordless phones sa atin, aandar naman dito. Pati na ang mga mobile phones.

Bedroom essentials, it is not really necessary to bring any. Kasi yung mga blankets natin, hindi epektib sa lamig dito. Ang maigi pang dalhin ay ang mga bedsheets at pilow cases.

For your personal hygiene, huwag magdadala ng tawas. Baka mapagkamalang drugs. Paano kung tanungin ka? Paano mo in-inglisin ang tawas? Pwede mo sigurong sabihin “I grind this into powder and put it in my arm pit to prevent B.O.” Baka pag-hubarin ka at ipa-demonstrate pa sa yo.

Isang personal na item na dala ko pa galing sa atin, kasi wala dito, yung pantutuli ng tenga. Parang hair clip at about 2 inches ang haba nito na may maliit na scooper ng ear wax sa isang dulo. Magdala ka ng extra, kasi madaling ma-misplace.

Siguraduhin mong bagong linis ang mga sapatos na dadalhin mo. Kasi kapag may kahit konting dumi o lupa na nakita ang Customs na nakakapit dito, ipapa-quarantine pa nila ito at maaring maging cause ng delay mo sa paglabas ng airport. At worst, baka ma-fine ka pa.

Kung magdadala ng pagkain, pwede kung nakalata o nakabote. At kung may label ng ingredients mas lalong okay. Kung homemade na pagkain ilagay sa selyadong bote para madaling makita at hindi na kailangan pang buksan. Siguraduhing hindi sumisingaw or tumutulo. Alam niyo naman ang pagkain natin, kung minsan may kakaibang amoy, na tayong mga Pinoy lang ang nakaka-appreciate. Baka kapag binuksan sa Customs, umalingasaw at isipin pa nilang “rotten”. Pwedeng magdala ng fruits basta pickled na at nakabote at walang buto. Huwag mong ipa-lata. Pabubuksan sa yo, lalo na kung walang label.

Make sure alam mo sa English ang pangalan ng pagkain. You can't say bagoong, or burong talangka or burong mangga. You have to say shrimp paste, or crab paste or pickled manggo.

In any case, make sure to list down all food items in your customs declaration. If you fail to list a food item, kahit legal ito at nakita ng Customs, pwede kang ma-fine ng $200 (with possible imprisonment) at magkaka-record ka pa. Kung dinekler mo kahit bawal, hindi ka mapa-fine. Itatapon nga lang nila.

Ngayon para wala ka nang problemahin pa, ang pinakamadali, huwag nang magdala ng kahit anong pagkain. Mas mapapabilis pa ang paglabas mo sa Customs.

Lastly, hindi naman bawal magdala ng malaking halaga pero kung magdadala ng limpak-limpak na salapi, kailangan mong i-declare kung more than $10,000 (I think). Normal naman na magdala ng maraming pera dahil dito ka na magse-settle. Sabi sa mga immigration handouts, a family of four will need around $1000 per week to live here comfortably. But I think that’s at the top end. Para sa ating mga Pinoy na sanay naman kumain ng isang ulam at sandamukal na kanin, sobra-sobra na yon. Realistically, $500 to $600 per week pwede na. Sa ganoong budget pwede mo nang samahan ng soup at salads ang ulam mo at may ice cream or chocolates ka pa for dessert.