mGa KuRo-KuRo Ni Ka UrO

Tuesday, June 07, 2005

Fugitive Ako

Nasa second year college ako noon at sa Sampaloc pa kami nakatira. Sa Espana, harapan ng UST main gate doon ako sumasakay ng bus papuntang Diliman. One time, tumawid ako ng Espana kasama ang ilan ding mga estudyante. Hindi kami gumamit ng overpass. In other words nag-jay-walking kami. Eksatamente pagtawid namin may naka-abang nang mga pulis na naka-civilian clothes at hinihingi ang aming mga ID dahil nag-jay-walking nga raw kami. Pagkakuha ng ID pinasasakay ang mga nahuli sa isang jeepney.

Duda na ako, mukhang hindi naman sila mga pulis at sa aking palagay balak lang makihati ng mga buwaya sa mga baon naming mga estudyante. Kaya nung hingin sa akin ang ID ko, sabi ko wala akong ID, cedula ang binigay ko. Naisip ko, anyway, madali naman kumuha uli ng cedula. Pagbigay ko ng cedula, pasimple akong nakihalo sa maraming tao at nung hindi na nakatingin yung pulis sabay karipas ng takbo papalayo.

Kaya ayan po, pinagtatapat ko na. Ako’y isang fugitive. Kasalukuyang pinaghahanap ng Manila Police.

Ngayon, tuwing tumatawid ako ng kalye, lumilingon muna ako sa kaliwa at kanan para sa mga dumarating na sasakyan. Tapos sa harapan kung may naka-abang na pulis. Nag-reserba na rin ako ng extrang cedula, just in case.

9 Comments:

  • Ka Uro,mga memories nga naman sa Sampoloc no? Nakakatawang isipin ang ating pinanggalingan. Doon mo nakilala si esmi at pasilip silip kalang noong sa kanilang apt.Hindi ka ba pinapulis ni Lola Pide sa kasisilip? He!he!he! At ako naman doon naman ako nasulyapan ng aking mabait na esposo. Parang kailan lang atleast ngayon marunong kanang tumawid sa kalye at may walk botton na or pedestrian kaya hindi kana mahuhuli ng pulis. Kumusta ang long weekend?

    By Blogger settejr, at 3:17 PM, June 07, 2005  

  • settejr,
    ikaw talaga pinaalala mo ang mga nakalipas sa sampaloc. hindi naman ako pinapulis ni lola pide kasi marunong akong sumipsip. kapag naglalaro kami ng baraha parati namin siyang pinapanalo.

    busy sa paglinis nung isa sa aming million dollar rental properties. (exagerration lang ha, baka maniwala kayo). umalis na kasi yung tenant at ngayon nga naghahanap kami ng bago.

    By Blogger Ka Uro, at 3:26 PM, June 07, 2005  

  • IKAW PALA YUN !! Si 'boy eskapo' !!nabasa ko sa aming barangay ang listahan ng iyong kasalan sa lipunan !

    Nakapaskil ang iyong litrato tila me bahid na kaligayahan ang iyong mga ngiti !

    By Blogger Senorito<- Ako, at 4:51 PM, June 07, 2005  

  • hehehe

    By Blogger Tanggero, at 5:32 PM, June 07, 2005  

  • At least you've learned your lesson...may extra cedula ka na. Hehe

    By Anonymous Patrice, at 2:05 AM, June 08, 2005  

  • ha ha ha mahusay!!! talentado ka talaga ha ha

    By Blogger bing, at 2:44 AM, June 08, 2005  

  • Mga kabloggers, may house for rent si Ka Uro! Baka interesado kayo at magandang maging Landlord yan...
    Apply na agad...

    By Blogger settejr, at 3:26 AM, June 08, 2005  

  • dami mo talagang kalokohan Ka Uro! di ko alam wanted ka pala.

    By Blogger Ka Elyong, at 6:53 AM, June 08, 2005  

  • Ka Elyong,
    tayong dalawa, marami tayong kalokohan!

    By Blogger Ka Uro, at 8:33 AM, June 08, 2005  

Post a Comment

<< Home


 
eXTReMe Tracker