Gutom na Gutom

Wala lang. Nakuha ko ito galing sa Diaryo Filipino dito sa Auckland. Nakakatawa, kasi pwedeng mangyari, lalo na't perstaym mo pa lang sumakay ng eroplano.

May isang Pilipino ang sumakay ng PAL papuntang San Francisco. Pagdating niya sa San Francisco International Airport, nakita niya ang kanyang kapatid na susundo sa kanya.
"Kuya kumusta?"
"Mabuti naman", ang sagot.
"Kuya parang namumutla ka at nanghihina? May sakit ka ba?"
"Wala naman, gutom na gutom lang ako, pwede bang pakainin mo muna ako bago tayo magusap."
"O sige ba, bakit kuya hindi ka ba nila pinakain sa eroplano?"
"Marami nga silang binibigay pero tuwing dumadaan sila sa akin nagtulog-tulugan ako baka kasi sisingilin nila ako, eh wala akong pambayad."

Naalala ko tuloy yun namang kumare ko nung bagong dating dito sa NZ. Sa McDo siya nagtrabaho. Tuwing nag-riring ang telepono, nagkukunwari siyang busy para hindi siya ang sumagot ng phone. Eventually, nakahalata ang boss niyang kiwi at tinanong siya kung bakit hindi siya sumasagot ng phone. Inamin na niya, na hindi niya alam kung paano makipagusap ng Ingles sa phone. Understanding naman yung boss niya. Tinuruan siya at pinagaral pa siya ng courses sa customer relations at pagkatapos ng ilan taon na promote pa siya bilang Manager nung branch.

It's one trait I like with most of the kiwis I've known. If you're honest with them and you tell them you need help, they won't hesitate in giving you the help you need. And they never look down at you.