Liham Galing Kay Linda

Nagpapasalamat ako kay Linda at binigyan niya ako ng pahintulot na ilathala ang kanyang liham. Ito'y para daw malaman ng ating mga kababayan and kalagayan ng katulad niya na isang Pinay na nakapag-asawa ng Kiwi.

Dahil mahaba na ang liham ni Linda, sa susunod na post ko na lang ito sasagutin. In the meantime, kung may payo o word of encouragement kayo para sa kanya o sa iba nating kababayan na tulad niya huwag mag-atubiling mag-iwan ng comments. I'm sure sa NZ, sa Tate, sa Aussie, sa Canada at Europa marami pang Linda.

hi ka uro,

madalas po akong nagbabasa ng blog nyo pero ngayon lang ako nagkalakas ng loob na sulatan kayo. sa ngayon kasi, litong lito ako. ang pakiramdam ko po para akong nalugmok sa kumunoy at di makabangon. hindi ko alam kung makakaahon ako. nawawalan na ako ng pag-asa.

ako po’y isang pangkaraniwang probinsiyana. maayos naman ang buhay ko sa atin at mataas na rin ang katungkulan ko sa ahensya ng gobyerno na aking pinapasukan. mapagmahal ang aking pamilya at hindi naman kami mayaman at hindi rin naman naghihirap.

subalit ano ba itong napasukan ko? nakapag-asawa po ako ng isang kiwi. nakachat ko cya and naging kaibigan. matagal kaming nagkasulatan usually sa email. nung ako’y kanyang nililigawan pa, napaka-ideal nyang tao. mabait cya kaya nagtiwala naman ako at cya'y aking minahal. pero ngayon nalaman ko na balat kayo pala lahat. puro po cya kasinungalingan.

1 unang una po eh sabi nya relihiyoso cya and sumasama pa na magsimba sa akin sa pilipinas nung una nyang visit. ang totoo pala di cya naniniwala sa diyos and lagi nya kinecurse ang diyos kapag nagagalit cya.

2 gumagamit cya ng marijuana. nung nililigawan pa lang ako sinabi nya na hindi na cya gumagamit nito. pero ngayon nalaman ko na regular user pala cya. at ang kinakasuka ko sa mga kiwi, di ko nilalahat pero halos lahat ng nakilala ko, eh nagamit and parang wala lang sa kanila as in part of normal life. yun pong kapatid at mga pinsan niya, lahat pushers ng marijuana. puro addict, walang mga trabaho at dakilang naghihintay lamang kada linggo ng biyaya sa gobyerno.

3 lately nadiskober ko na meron pala siyang anak sa dati niyang partner. nalaman ko lang through my mader in law. tinago nila pareho sa kin during our relationship. close po ako sa byenan ko at regular kami nagsusulatan at nagtatawagan nung nasa pinas pa ko at wala naman sinasabi sa akin kahit nagtatanong ako. feeling ko niloko nila ako pareho. kaya ko lang nalaman nung tanungin ko ang biyenan ko kung sino ang babaeng iyon na laging tumtatawag sa asawa ko. pinagtapat sa akin ng aking biyenan na anak nya yon sa previous partner nya. til now laki ng hinanakit ko.

4 ayaw nyang makipag-usap sa ibang pilipina na nakikilala ko. wala daw cyang interes at bahala daw ako makipagkaibigan. syempre po gusto ko naman mamuhay ng normal na maging friends namin pareho ang mga friends nya and ganun din sana sa akin.

5 mahilig ang asawa ko sa malalaswang bagay like porno. siguro po dahil lumaki ako sa relihiyosong pamilya kaya di ako sanay sa ganito. although alam ko naman po normal naman sa lalaki yan. pero di naman po siguro sa kagaya nya na bago matulog nakikita ko na puro kababuyan sa net ang pinagtitingnan. paggising ganun pa rin. nasasabi ko na lang sa sarili ko wala kasi cyang diyos kaya walang guilt feelings sa mga bagay na yan. though di naman po cya baboy sa bed at di naman mahilig na walang nang inisip kundi sex. masasabi ko po na normal naman cya (sori inuna ko na po baka kasi isipin nyo na ganon ginagawa nya in actual).

6 disrespectful po sa magulang kung makasigaw and magsabi ng mga words sa nanay nya like c*nt, sl*t, b*tch etc. wala cyang pakialam sa kanila. kung di cya tawagan wala lang. napakabait naman po ng trato pala sa akin ng biyenan ko.

7 mainitin po ang ulo nya. simpleng bagay eh madaling magalit at ako lagi inaangilan.

8 wala po akong nakikitang future sa kanya. nagtapos po cya pero wala lang. nung nakilala ko sabi nagwowork ng "ganito" so iniisip ko responsable naman pero nalaman ko na lang na part time lang. umaasa din sa benepisyo sa gobyerno.

mahal na mahal ko naman po cya at di naman po ako sinasaktan. at binibigyan naman ako ng pera. ako pa nga po nahawak ng atm card nya pero di nya ako nirerespeto and lagi nasigaw sa akin. nasa akin nga ang bank card pero daig pa po ang auditor kung i-audit ako. di ako pwedeng mag-spend nang hindi nya alam.

siguro naiisip nyo na bakit ako nagtitiis. walang nakakaalam sa pamilya ko ng tunay kong kalagayan dito. ang akala nila masayang-masaya ako dito. wala rin akong masabing kaibigan dahil na rin natatakot ako sa kahihiyan at baka isumbong sa atin at naaawa ako sa mga magulang ko. baka atakihin ang nanay ko. kinokonsider ko din na mahal ko cia pero parang di rin magtatagal baka mapuno ako.

ang situation ko po ngayon eh wala po akong trabaho. kalahating taon na ako ngayon dito sa west auckland, pero recently lang nakakuha ng working permit. bale may 1 year working visa ako. dont know what next if na-expire na. kung minsan parang gusto kong tumakas and magwork kahit ano pero di ko alam if paano at saan pupunta. gusto ko sana dito sa nz na muna kung tatakas ako. sayang din ang visa ko kung uuwi ako sa pinas. at doon di rin ako sigurado kung makakakuha ng work agad. kung aalis ako dito kahit anong work papasukan ko to survive.

sa palagay nyo po ba tama ang balak ko na umalis dito kasi po di ako peaceful at lagi na lang akong umiiyak. di rin ako nakakatawag sa pinas. nakakausap ko lang pamilya ko pag sila ang tumatawag sa akin. nakakapag-internet lang ako kapag nasa work na ang asawa ko. kapag nakakaramdam siya na nagbabalak akong lumayas tinatakot nya ako na ipapadeport nya ako sa nzis. kahit po ba me work visa ako pag ba sinabi nya na tumakas ako from him babawiin ba ng NZIS ang visa ko? di ko matanong ang NZIS since magiging suspicious sila sa situation namin.

sori po kung naabala ko kayo, pero talaga lang pong wala akong malapitan at mahingaan ng mga problema ko.

maraming salamat po sa pagbasa,
linda