mGa KuRo-KuRo Ni Ka UrO

Friday, January 14, 2005

"Ting" - Having fun in the 70s and 80s

Hang-out namin noon ang Cubao. Inuumaga kami sa paglalaro ng arcade games sa Ali Mall. Space-Invaders at Galaxian ang paborito namin. Mas simpleng laruin ang Space-Invaders, kasi yung Galaxian lumulusob pa ang mga kalaban mo. Sa Space-Invaders, unti-unti lang silang bumababa nang papalapit sa yo. Nakakapikon lang kapag isa na lang ang kalaban mo at hindi mo pa matama-tamaan at maubos pa ang lives mo. Parang gusto mong basagin ang screen.

Mag-"Ting" and tawag namin sa mag-laro ng arcade games. Yun kasi ang tunog kapag binabaril mo ang mga aliens - "ting...ting...". Piso lang ang bayad noon per game. Si JunS ang pinakamagaling sa amin. Ako, pangalawa lang at nag-uunahan sa pagka-kulelat si Rodel at Cune. Ten pesos lang noon pwede ka nang makapag-laro magdamag lalo na kung magaling ka. Natigil lang kami sa mga Arcade Games nung ipagbawal na ni Makoy. Kasi raw nakakasira ng pag-aaral ng mga kabataan. Siya nga naman, very addictive na bisyo kasi. Kaya ayon, nag-iba kami ng bisyo, toma at panonood ng X-rated sa betamax. But that's a story for another time.

Buti nga ngayon meron ng PS2, XBox at PC. You can play as long as you want. Pero bakit ganoon ano? Iba ang excitement noon. Iba ang excitement kapag naghuhulog ka ng piso and you’re able to play hours and hours of fun. May sense of satisfaction ka kasi you’re not only defeating alien invaders on the screen, but in fact naiisahan mo rin yung may ari ng arcade. You get to use their machines for just a few pesos.

3 Comments:

  • Ka Uro, tama ka iba talaga ang excitement ng naghuhulog ng piso. Minsan pag ayaw umandar, tatadyakan mo ng konti yung console at ok na naman. Pero talagang nakakaaliw yang mga computer games na yan. Ngayon mas sopistikeyted na ang mga games at di na uubra ang akin skill level. Talo nga ako ng anak ko sa karerahan sa GameCube e. Pero if you want some entertaining challenge, try Prince of Persia - The Warrior Within, abeylabol ito sa GC, PS2 at Xbox. Have fun!

    By Blogger Ka Elyong, at 7:54 AM, January 18, 2005  

  • Wala bang version ng Prince of Persia na sinabi mo sa PC? Wala kasi kaming GC, PS2, XB.

    By Blogger Ka Uro, at 12:27 PM, January 18, 2005  

  • Ka U, meron din version sa PC ang PofP. Actually inirelease ang first version nito sa PC noong mga late 80's (syempre crude pa ang graphics noon) at wala pang mga PS2 XB at GC noon. Ngayon pantastic na ang graphics kaya lang you need to have video card and sound card at dapat Direct X v9.0. Try mo and let me know how you find it. Very challenging ito.

    By Blogger Ka Elyong, at 6:09 AM, January 19, 2005  

Post a Comment

<< Home


 
eXTReMe Tracker