Ano ang Peborit Past Taym Namin?

Tanong ito ni Odette. I pressume past time after work hours ang tinutukoy niya. Maaga nga naman kasing nagsasara ang mga mall. 5:30 pm most days. Pero tuwing Thursday at Friday yung iba medyo late 8:30 or 9:30 pm.

Siguro kung si Batjay ang tatanungin malamang sasabihin niya, mangulangot, or something more irreverent. Kwela talaga yang si Batjay e.

But on a more serious note, the above question is a very valid one and rightly deserves a serious answer. Nararamdaman kong may feeling of apprehension sa tanong, lalo na sa mga nagnanais mag-migrate dito. Ano nga naman ang gagawin after 6PM? Tutunganga na lang ba?

Naikwento ko nga rin ang buhay namin dito sa isang pinsan ko. Sabi ko mabuti pa sa Pilipinas maraming pwedeng puntahan after work. Kasi sa NZ, after 6 PM mostly close na lahat. “Ay boring naman, nakakabato”, ang kanyang reaksyon.

Well, hindi naman talaga lahat sarado ano? Most supermarkets are open until 10PM. Yung iba 24 oras pa. Cinema houses and most video shops are open up until midnight. Most restaurants are also open for late dinner. Casinos don’t close. There are pubs, bars, strip clubs to go to. (Pero di na yata pam-pamilya yon). Marami ring mga cultural events, concerts, at sports events sa gabi. Kung katulad kayo nung isang kaibigan namin na may boat at mahilig sa fishing, pwede rin mangisda sa gabi. Siguraduhin mo lang na may isdang iuuwi at baka pagdudahan ka ni misis lalo na kung amoy powder ka o lotion.

Kami, personally, ano ang peborit past taym namin? Pagdating sa bahay galing sa trabaho, maghahanda ng hapunan si Misis. Siyempre medyo tutulong-tulong ako ng kaunti. Yung anak namin gagawin ang mga assignment from school. Kung wala naman homework at may araw pa, pupunta sa playground at makipaglaro at kwentuhan sa mga kaibigan. Ako naman maaring mag-mow ng lawn kung mahaba na ang damo, o kaya magbasketball sa park sa may tapat namin. Kung minsan nag-iinvite kami ng mga kaibigan para mag-barbecue. O kaya naman kami ang ini-invite. Pagkatapos kumain, maghuhugas ng pinagkainan. Si Misis naman magwawalis o kaya magtutupi ng mga damit. Later sa gabi, manonood kami ng TV o DVD, mag-internet, magbasa ng mga blogs.

You can call it boring. But for me i call it uncomplicated, quality time with my family. Time, it's the best gift you can give to one another.

It’s the time that you spent on your rose that makes your rose so important - (from the The Little Prince by Antoine de Saint-Exupéry)