My BBM Part 2 (Rated PG)

(Paki-basa muna ang Part 1 sa baba kung di pa ninyo nabasa)

“Mamya, punta ako sa Khobar, sama kayo?” yaya ni Arnold sa akin at sa ka-opismeyt kong si Tolits. “Sige” sabi naman namin. Huwebes yon ng hapon. Sa Saudi kasi, Huwebes ng gabi ang umpisa ng weekend, at Biernes ang day off ng lahat, not Sunday. May kotche si Arnold at nakakapag-drive siya sa Saudi. Kami wala, kaya kapag may nag-imbita sa amin, call kami kaagad. Yun lang ang libangan namin sa Saudi kada weekend. Ang magpunta sa Al Shula mall sa kalapit na bayan ng Al Khobar, kumain ng Thai food, at mag-window shopping.

Pagkatapos mag-malling dinala kami ni Arnold sa kanyang tinutuluyan at pinakita ang kanyang quarters. Sa dingding, nakadikit ang mga letrato ng kanyang misis. Sa gawing sulok naman may bench press at isang set ng bar bells at dumb bells. Yon daw kasi ang hilig niya, mag-body building.

Pagkaraan ng ilang oras, inihatid na kami ni Arnold. Tumuloy na si Tolits sa kanyang quarters. Si Arnold naman, dahil malayo-layo din ang uuwian, tumambay muna sa aking quarters at doon nakipagkwentuhan habang nanonood kami ng TV. Hindi namin namalayan ang paglipas ng oras. Aba, alas nuwebe na pala. Sarado na ang gate ng site at hindi na siya makaka-uwi. Bilang pagmamagandang-loob sinabi ko na doon na matulog at bumiyahe na lang ng madaling araw.

Okay naman sa kanya. Sa kama ako at siya nama’y sa lapag. Binigyan ko siya ng kumot at unan at nagpatay na kami ng ilaw. Madilim ang room pero may sinag ng buwan pumapasok mula sa nag-iisang bintana. Nag-start na akong matulog. Naiidlip na ako, nang ...

Maya-maya’y may naramdaman ako sa aking hita. Napamulagat ako sa kadiliman. Ano yon? Tumingin ako sa ibaba, sa gawi ni Arnold at naaninag ko ang kamay niya nakapatong sa aking hita. Binale-wale ko yon. Baka naman nananaginip lang. Marahan kong tinanggal ang kamay niya sa pagkapatong sa aking hita.

Nag-emote na naman ako sa pagtulog. Maya-maya’y naramdaman ko na naman ang kamay ni Arnold. Aba! Hindi na sa hita. Sa may itaas na ng hita! Pinakiramdaman ko kung siya’y tulog at nananaginip lamang. Subalit, nawari ko na hindi siya tulog. Dahil narinig ko ang mabilis niyang paghinga. At pagbalikwas ko para tingnan siya, shock ako sa aking naaanig sa dilim. Ang tarantadong ito, hawak-hawak ang kanyang naghuhumindig na baston at ako pala’y kanyang pinag-seseks-tripan! Kinabahan akong bigla. Anong gagawin ko? Pano kung maniak ito at rape-in ako, pagkatapos sakalin na lang ako? Mas malaki siya sa akin. Hindi ko siya kaya.

Isip, isip. Nanginginig at nanlalamig na ako sa puntong ito sa nerbiyos. Di ko alam ang aking gagawin. Bahala na. Nilakasan ko na ang loob ko. Tumayo ako, sabi ko iihi muna ako, labas lang ako sandali. Hindi siya umimik. Lumabas ako at tumakbong paaalis. Ginising ko si Tolits, sabi ko dun muna ako makikitulog at bukas ko na ipapaliwanag. Nanginginig pa rin ako sa takot. Kinabukasan pagbalik ko sa aking quarters, wala na si Arnold.

Yun ang huling pagkikita namin ni Arnold. Hindi na rin siya nagawi pa sa aking cubicle sa opis mula noon. Hanggang nung time na lisanin ko ang Saudi, kami lang ni Tolits ang nakakaalam sa lihim ni Arnold. Bakla kaya siya o maniak na dahil sa sexual deprivation kahit katulad niyang lalaki’y kanyang papatulan? Naisip ko ang kanyang asawa. Kawawa naman. Ano kayang mararamdaman ng misis ni Arnold kung malamang mahilig din ang asawa niya sa talong?

Isang taon at walong buwan lang ang inilagi ko sa Gitnang Silangan. Hindi ko na nga tinapos ang dalawang taon kong kontrata. Ayoko na, baka pati ako maghanap na rin ng talong.