WHAT WERE YOU LIKE

Salamat kay Marghil for tagging me. Eto na ang mga sagot ko

WHAT WERE YOU LIKE

20 YEARS AGO:
1985 – Titser ako sa UP College of Engineering sa Diliman. Nagtuturo ng Computer Programming at Hydraulic Engineering subjects. I’m happy to say na wala akong binigyan ng singko sa mga naging estudyante ko. Syota ko na rin si Jean nitong mga taon na ito.

15 YEARS AGO:
1990 – Naging ama ako during this year. Napanganak ang one and only daughter namin. Nasa Bureau of Immigration ako nagwo-work at nag-install ng mga computers sa NAIA. Pinadala ako sa Canberra para mag-attend ng IBM training ng ilang linggo. Yon ang nagbigay ng idea sa akin para mag-migrate. It was this year and the following years that we decided to apply for migration to Australia. Kaso hindi natuloy kaya sa NZ kami napadpad.

10 YEARS AGO:
1995 – Bagsak kami sa application for residency sa Australia kaya nagbakasakali kami sa NZ. This year nasa processing na ang NZ application namin. Habang nipro-process I decided to apply for visitor’s visa to the US. 1995 nung pumunta ako sa US at maghanap ng trabaho. Sinuwerte naman at may nakuha akong sponsor doon. December ng taon na ito, sumunod sa akin sa US ang aking mag-ina. The following year nakuha namin ang resident visa namin sa NZ, kaya nagpasya na kaming mag-migrate sa NZ after a year and a half sa US.

FIVE YEARS AGO:
2000 – January nasa Pinas ako. Pinadala ako ng company na pinapasukan ko sa NZ sa Pinas para tulungan ang mga computer programmers sa Pinas na kasalukuyan noong nipro-program ang drivers licensing para sa LTO. Three months ako sa Pinas at bumalik.
By this time very much settled na kami sa NZ. May kotche at bahay (na inutang sa bangko) na kami. Stable naman ang mga trabaho namin ni Jean.

THREE YEARS AGO:
2002 – Nakabili kami ng bagong bahay na mas malaki kesa sa tinitirhan namin. Napilitan lang kami ng real estate agent kaya hindi pa kami ready na lipatan yung bahay. But it was a blessing in disguise. Pinaupahan muna namin yung bahay. After 6 months, prices of houses went up by tens of thousands. It was like winning lotto. Because we suddenly found ourselves having a bigger and better house for almost the same price as our old, smaller house. Binenta namin ang first house namin at the same price we got our new house. Di ba bongga? Nag-upgrade kami ng tirahan without borrowing more from the bank.

LAST YEAR:
December last year nag-start akong mag-blog. By accident, nadiscover ko ang blog ni Batjay from Singapore sa Kwentong Tambay. Naisip ko, masaya pala ang mag-blog at di ka naman kailangan maging magaling na writer. Your writings don’t have to be in perfect English or Tagalog para ma-appreciate ng iba.
Last year nakabili ako ng pangalawang sasakyan. Isang lumang Honda Odyssey.

THIS YEAR:
Nakapasyal kami sa Gold Coast, Australia para bisitahin ang aking sister. This year din kami mamamasyal uli sa Pinas since 2000.

YESTERDAY:
Natapos kong gawin yung isang project na pinapagawa sa akin ni esmi. Gawan ko raw ng cover yung lutuan niya sa labas ng bahay. Meron kasi kaming maliit na kalan sa labas ng bahay para doon siya nagluluto ng mga ma-amoy at matilamsik na luto gaya ng pritong isda. Gumawa ako ng parang maliit na phone booth. Nasa loob ang lutuan.

LAST NIGHT:
Natapos kong isalin sa MPEG files ang pelikulang “Jesus of Nazareth”. Dati kasi nasa tatlong VHS ang pelikulang ito. I finished transferring the entrie movie which is 380 minutes into 6 files. Sa susunod i-transfer ko sila sa DVD para pwedeng panoorin kahit saan.
Nag-bloghop ako after not having able to for a number of days already.

TODAY:
Masama ang ubo ko ngayon at may konting sipon pa. Ngayon lang ako nakahabol ng konti sa mga office work. Kaya ngayon may time na akong sagutin ito.

TOMORROW:
Bibisitahin ko yung isang tenant namin. Nagkaproblema daw yung bathroom sink at nagbaha sa hallway. Nabasa ang carpets. Hay! Naku!

NEXT YEAR:
I hope bayad na mortgage namin, para makapag-holiday naman sa US, Canada or Europe.

FIVE - TEN YEARS FROM NOW:
Definitely, dapat wala na kaming utang. At tapos na rin ang anak namin sa university. Kaya sitting pretty na lang. Every year magho-holiday kami. Yahoo!