The Secret to Getting Rich

Noon ang akala ko masama ang umutang. Kasi naman di ba nung bata tayo iniiwasan natin yung mga kaklaseng palautang? At kapag ika’y nautangan ng isang kaibigan, malamang simula yon ng inyong pagkakagalit. Dahil dito pumasok tuloy sa isip ko na hinding hindi ako mangungutang dahil ayokong magkaroon ng kaaway at ayokong ako’y iniiwasan. Ang akala ko rin noon ang mga mayayaman walang mga utang at ang mga may utang mahihirap lamang. Salungat pala ito sa katotohanan.

Lately ko na lang na-realize nung nasa 30s na ako na kabaligtaran pala ang palakad sa capitalist world. Dito pala, hindi masama ang umutang. Impak, mas may advantage pala kung ang tao’y may utang. Katulad na lang ng bangko ko. Noong wala pa akong utang andami kong binabayarang banking charges. Ngayon may home loan na ako sa kanila, ni-waive lahat ng transaction fees dahil isa na raw akong “preferred customer”. Ngayon kabi-kabila ang pre-approved credit cards na aking natatanggap. Noon ni isa walang gustong mag approve ng credit card sa akin.

Ngayon ko natanto na ang sikreto pala para yumaman ay ang umutang. Mas malaki utang, mas lalo kang yayaman. Ang kailangan nga lang alam mo kung saan gagamitin ang perang iyong inutang at kaya mo itong i-manage. Dapat tantiyado mo na sa bawat piso na iyong ibabayad sa nagpautang sa yo, kikita ka pa rin ng higit sa piso. Kung kikita ka ng sampung sentimo sa bawat piso, sampung sentimo pa rin yong ibubulsa mo tubo ng perang hindi naman galing sa yo.

Kaya pala ang mga mayayaman lalong yumayaman. Ang isang businessman real estate developer kayang umutang ng milyon-milyon sa bangko. Gagamitin ang perang inutang para bumili ng murang lupain, patatayuan ng mga bahay, pagkatapos ibebenta ang mga ito ng mahal. Malaki kita niya. May inilabas ba siyang pera? Malamang wala.

Kadalasan, mas mayaman, mas maraming utang. Yan pala ang katotohanan. Kaya nga masasabi kong isa na ako sa matatawag na mayaman, kasi malaki na utang ko. Pakita ko sa inyo ang online bank statement ko as of 22 Feb. 2006. Baka akala niyo nagbibiro ako. Yung may “OD” sa unahan, utang yon. May isa pa nga akong bangko, $250,000 naman utang ko don. Kayo na lang bahalang mag-total.

Dapat ba akong mabahala dahil sa laki ng aking utang (almost $800 thou)? Hindi naman, dahil tantiyado ko na, na in about 15 years bayad ko na lahat ito at may matatawag pa akong mga assets na ang halaga higit pa sa initial na utang ko.

So my friends, my challenge to all of you, (walang halong biro ito), is to have the courage to borrow money and put it in something that will make more money or will open the door for you to borrow more money. A good example of the latter is borrowing money to buy your own house. Because having your own house provides you the opportunity to borrow more money that you then can invest somewhere else. Don’t borrow money just to buy expensive cars, jewelries or clothes para lang may maiporma kayo. That’s just money down the drain. Use borrowed money to generate more money – that’s the secret!